Ryshfeti në Gjakovë
Emisioni trajton njërin nga rastet më rënda të mitmarrjes në këtë komunë.
Hasan Berisha, personi i cili thotë se i ka paguar 20 mijë euro për të marrë një vulë nga Zyrat e Komasacionit, rrëfen se si kishte dorëzuar paratë.
Berisha ka treguar se si zyrtari i NSh “Gjeodezia”, Skënder Sina, i ka marrë 20 mijë euro mitë, se si e kishte raportuar këtë rast në polici dhe çfarë provash kishte ofruar.
Provat në këtë lëndë kanë çuar në ngritjen e aktakuzës ndaj Skënder Sinës, mirëpo kjo lëndë ka mbetur në sirtarët e gjykatës së Pejës dhe rrezikon të vjetërsohet shumë shpejt.
Pretendimet se ky vjetërsim ishte kryer me qëllim, janë pjesë e fakteve të cilat i trajton emisioni.
Përderisa kërkimi i përgjegjësisë për vjetërsimin e lëndës shkon deri në Ministrinë e Drejtësisë, me fajin e së cilës për disa vjet lënda nuk është duke u zgjidhur.
Të gjitha këto fakte kanë ngritur dyshimin se institucionet tona janë të paafta për ta luftuar korrupsionin.
Drejtësia në Kosovë transmetohet çdo të diel në orën 21:00 në RTK dhe repriza jepet të mërkurën në mesditë.